नाडा अटो शोमा सस्तो ब्याजदरमा गाडी कर्जा

  • | बुधबार, ११ भदौ, २०७६
  • | 2 years ago


काठमाडौं । नाडा अटो शोमा वाणिज्य बैंकहरुले सस्तो ब्याजदरमा गाडी कर्जा ल्याएका छन् ।  विद्युतीय गाडीमा ग्राहकको आकर्षण देखिएपछि केही बैकहरुले गाडीमा आकर्षक ब्याजदरमा ऋण योजना ल्याएका हुन् ।

 

गाडी कर्जा योजना अनुसार स्ट्याण्डर्ड चार्टर्ड बैंकले ६ वर्षको लागि आधारदर ७ दशमलव ६३ प्रतिशतमा १ दशमलव ७६ प्रतिशत प्रिमियम गरी ९ दशमलव ३९ प्रतिशतमा गाडी कर्जा उपलब्ध गराएको छ ।

 

यस्तै एनआईसी एशिया बैंकले ७ वर्षे अवधिको लागि ९ दशमलव ५ प्रतिशतले कर्जा उपलब्ध गराएको छ । सानिमा बैंकले ९ वर्षे अवधिको लागि ९ दशमलव ३४ प्रतिशत आधारदरमा १ दशमलव १५ प्रतिशत प्रिमियम गरी १० दशमलव ४९ प्रतिशतमा कर्जा दिने जनाएको हो ।

जनता बैंक र ग्लोबल आईएमई बैंकले सात वर्षे अवधिको लागि ९ दशमलव ९९ प्रतिशतमा गाडी कर्जा दिने घोषणा गरेका छन् ।

 

नबिल बैंकले पनि सात वर्षे अवधिको लागि आधारदर ८ दशमलव ०९ प्रतिशतमा १ दशमलव ५० प्रतिशत प्रिमियम गरी ९ दशमलव ५९ प्रतिशतमा गाडी कर्जा दिने जनाएको छ । यस्तै एभरेष्ट बैंकले ५ वर्षसम्मको कर्जाको लागि आधारदर ८ दशमलव १२ प्रतिशतमा १ दशमलव ५५ प्रतिशत प्रिमियम गरी ९ दशमलव ६६ प्रतिशत र सात वर्षे कर्जा योजनाको लागि ८ दशमवलव १२ प्रतिशत आधार दरमा २ प्रतिशत प्रिमियम गरी १० दशमलव १२ प्रतिशतमा कर्जा दिने जनाएको हो ।

 

लक्ष्मी बैंकले ८ वर्षे अवधिको लागि १० दशमलव ३१ प्रतिशतमा गाडी कर्जा छुट्याएको छ । माछापुच्छ्रे बैंकले १० वर्षे अवधिको लागि आधारदर १० दशमलव ३७ प्रतिशतमा ० शुल्क ६२ प्रतिशत प्रिमियम शुल्क लिने जनाएको छ ।

हिमालयन बैंकले ८ वर्षे अवधिको लागि ९ दशमलव ०५ प्रतिशत आधारदरमा ० दशमलव ९० प्रतिशत थप प्रिमियम गरी ९ दशमलव ९५ प्रतिशत गाडी कर्जा दिने भएको छ ।

 

बैंक अफ काठमाण्डूले ८ वर्षे अवधिको लागि ९ दशमलव ९८ प्रतिशत आधार दरमा १ दशमलव ५ प्रतिशत प्रिमियम गरी ११ दशमलव ४८ प्रतिशतमा गाडी कर्जाको घोषणा गरेको छ । सांग्रिला बैंकले ११ दशमलव ६६ प्रतिशतमा ७ वर्षको गाडी कर्जा उपलब्ध गराउने भएको छ । बैंकका अनुसार कर्जा लिदा ० दशमलव ७५ प्रतिशत सेवा शुल्क लाग्नेछ ।

 

एनएमबी बैंकले १३ दशमलव ५ प्रतिशत ब्याजदरमा गाडी कर्जा उपलब्ध गराएको छ । सिभिल बैंकले ७ वर्षदेखि १० वर्षसम्मको अवधिका लागि ११.११ प्रतिशत ब्याजदरमा कर्जा उपलब्ध गराउने जनाएको छ ।

नेपाल एसबीआई बैंकले ९ दशमलव ०९ प्रतिशत तोकेको छ ।

यस्तै नबिल, एभरेष्ट, स्टान्डर्ड चार्टर्ड, एनएमबी, सानिमा, लक्ष्मी लगायत बैंकले विद्युतीय गाडीका लागि पनि कम ब्याजदरमा कर्जा घोषणा गरेका छन् ।
एनएमबीले शोलाई लक्षित गर्दै विद्युतीय गाडीको लागि ९ दशमलव ९ प्रतिशतमा कर्जा ल्याएको छ । यस्तै नबिल बैंकले विद्युतीय गाडीमा ८० प्रतिशत फाइनान्सको सुविधा दिने बताएको छ ।

 

लक्ष्मी बैंकले ९ दशमलव ५ प्रतिशत आधार दरमा १ प्रतिशत प्रिमियम थप गरेर १० दशमलव ५ प्रतिशतमा कर्जा दिने जनाएको छ ।