माधुरीका जीवनका ७ विवादित क्षण, श्रीदेवीसँग थियो यस्तो दुश्मनी

  • | सोमबार, १४ फागुन, २०७४
  • | 3 years ago

एजेन्सी । गल्ती गर्नु त मानिसको स्वभाविक गुण नै हो । आम मानिसले गरेका स–साना गल्तीहरु त सजिल्यै लुक्छन् तर सेलीब्रेटीका साना गल्तीहरु पनि सबैको सामु आउने हुनाले लुकाउन निकै मुश्किल हुन्छ ।


त्यसै मध्ये बलिउडकी चर्चित अभिनेत्री माधुरी दीक्षितका पनि जीवनका यस्ता गल्तीहरु छन् जसले उनलाई निकै नै पश्चाताप गराएको थियो । र ती गल्तीका कारण विवादमा समेत मुछिइन् ।


जान्नुहोस् उनका जीवनका ७ गल्तीहरु :


१. संञ्जय दत्तसँगको प्रेम


सञ्जय दत्त र माधुरी दीक्षित नब्बेको दशकमा सवैभन्दा हट जोडीको रुपमा चर्चित थिए । ‘साजन’ र ‘खलनायक’ जस्ता चलचित्रमा उनीहरुको जोडी निकै नै मन पराइएको थियो । साथै उनीहरुको ‘अफेयर’ को चर्चा पनि उत्तिकै थियो ।


चलचित्रको सेटबाट नै उनीहरुको प्रेम गाढा हुँदै गयो तर माधुरीको परिवारलाई उनीहरुको प्रेम स्वीकार्य भएन र उनीहरुको प्रेमसम्बन्ध छुट्यो ।


२. अनिल कपूरसँगको प्रेम सम्बन्ध

 

सञ्जय दत्तसँग सम्बन्ध तोडिने वित्तिकै उनको अनिल कपूरसँग को प्रेम सम्बन्धले निकै चर्चा पायो ।

 

अनिल–माधुरीको जोडी पनि निकै नै रुचाइएको थियो ।


३. विनोद खन्नासँग ‘कीस’ सीन


जब माधुरी बलिउडमा नयाँ थिइन् तब उनले चलचित्र ‘दयावान’ मा विनोद खन्नाजस्ता सीनीयर अभिनेतासँग गरेको ‘कीस’ सीनले निकै चर्चा पाएको थियो ।


अहिले जब माधुरी उक्त कुराको याद गर्छिन् त उनलाई निकै नै पश्चाताप हुने बताउँछिन् ।


४. श्रीदेवीसँग विवाद

 

नब्बेको दशकमा बलिउडमा श्रीदेवीको एकलौटी राज चलिरहेको थियो । त्यहि समय माधुरीको ‘तेजाव’ र ‘राम–लखन’ जस्ता चलचित्रले जबरजस्त सफलताले श्रीदेवीको सिंहासन हल्लाइदियो र यसपछि यी दुई अभिनेत्रीको बीचमा शीतयुद्ध चल्न शुरु भयो ।

 

५. जुही चावलासँगको विवाद


नब्बेको दशकमा जुही चावला र माधुरी दीक्षित एकै साथ बलिउड छिरेका थिए र सक्रिय पनि थिए । तर यी दुइ एकअर्कासँग प्रतिस्पर्धामा थिए । उनीहरुले एक अर्काको बारेमा कहिल्यै खुलेर केहि भनेनन् तर सञ्चार माध्यममा यी दुईको विवाद बारम्बार चर्चित बनिरह्यो ।


६.म्यागी चाउचाउको विज्ञापन


तपाईलाई थाहा नै होला म्यागी चाउचाउलाई लिएर निकै विवाद भएको थियो । जसको कारण म्यागीमा विज्ञापन गरेकी माधुरीलाई सुचना दिइएको थियो । उत्तर खण्डको ‘एफडीए’ ले असुरक्षित चाउचाउको पुष्टि गर्नको लागि उनलाई आग्रह गरेको थियो ।


७. महाराष्ट्रको ‘ब्राण्ड एम्बेसेडर’ सम्बन्धी विवाद

 

खबरको अनुसार माधुरी दीक्षितले महाराष्ट्रको पर्यटनका एम्बेसेडर बन्नको लागि गरिएको प्रस्ताव अस्वीकार गरिन् किनकी उनले पैसाको माग गरेकी थिइन् । जसको कारण उनी निकै विवादमा समेत मुछिइन् ।