प्रधानमन्त्री ओलीलाई राष्ट्रिय परिचयपत्र

  • | मंगलबार, २४ आषाढ, २०७६
  • | 1 week ago


काठमाडौं । प्रधानमन्त्री केपी शर्मा ओलीलाई ‘बायोम्याट्रिक’ सूचनासहितको राष्ट्रिय परिचयपत्र हस्तान्तरण गरिएको छ ।

 

 प्रधानमन्त्री निवास बालुवाटारमा आयोजित कार्यक्रममा गृहमन्त्रालय मातहतको राष्ट्रिय परिचयपत्र पञ्जीकरण विभागका महानिर्देशक दीपक काफ्लेले हस्तान्तरण गरेका हुन् ।

 

यस्तै प्रधानमन्त्री पत्नी राधिका शाक्यलाई पनि परिचयपत्र हस्तान्तरण गरिएको छ ।

 

नेपाल सरकारको चालू आर्थिक वर्षको नीति तथा कार्यक्रममा उल्लेख भएअनुसार राष्ट्रका विशिष्ट व्यक्ति, सिंहदरबारस्थित कर्मचारी र पाँचथर जिल्लाका ८० प्रतिशतलाई यो परिचयपत्र दिने कार्यक्रमअनुसार वितरण जारी छ ।

 

यसैबीच विभागले उपराष्ट्रपति नन्दबहादुर पुनलाई पनि राष्ट्रिय परिचयपत्र प्रदान गरेको छ ।
सरकारले आगामी दुई वर्षभित्र मुलुकका सबै नागरिकलाई यो परिचयपत्र वितरण गरिसक्ने योजना बनाएको छ ।