आईसीसी एकदिवशीय विश्वकपमा श्रीलंकाको पहिलो जित

  • | बुधबार, २२ जेष्ठ, २०७६
  • | 1 week ago


काठमाडौं । आईसीसी एकदिवशीय विश्वकपमा श्रीलंकाले दोस्रो खेलमा अफगानिस्तानलाई पराजित गर्दै पहिलो जित निकालेको छ ।
न्यूजिल्याण्डसँग १० विकेटले पराजित श्रीलंकाले अफगानिस्तानविरुद्ध डकवर्थ लुइस नियमका आधारमा ३४ रनको जित आत्मसाथ गरेको हो ।

 

वर्षाले प्रभावित भएपछि ४१ ओभरमा झारिएको खेलमा १ सय ८७ रनको लक्ष्य पछ्याएको अफगानिस्तान ३२.४ ओभरमा १५२ रनमा समेटिएपछि श्रीलंकाको ३४ रनको जित निश्चित भएको हो ।

 

अफगानिस्तानका लागि नाजिवुल्लाह जदरानले सर्बाधिक ४३ रन जोडेका थिए ।  ३१.५ ओभरमा कप्तान करुणारत्नेबाट रनआउटको शिकार हुनुअघि उनले ५६ बलमा ६ चौका प्रहार गरेका थिए ।
अफगानिस्तानका ओपनर हज्रतुल्लाह जाजाईले ३० रन जोडे । कप्तान गुल्वादिन नइवले २३ रन जोडे ।

बलिङतर्फ श्रीलंकाका नुवान प्रदीपले ४ विकेट लिएका थिए । म्यान अफ द म्याच बनेका उनले ९ ओभरमा १ मेडन राख्दै ३१ रन खर्चिए । भेट्रान बलर लसिथ मालिंगाले ३ विकेट लिए ।

 

यसअघि कार्डिफमा टस हारेर पहिले ब्याटिङ गरेको श्रीलंकाको पारी वर्षाले प्रभावित भएको थियो । करिव २ घण्टा रोकिएर पुनः सुरु भएको खेल ४१ ओभरमा झारिएको थियो । श्रीलंकाले ३६.५ ओभरमा अलआउट हुँदै २०१ रनको स्कोर खडा गरेको थियो । तर, डकवर्थ लुइस नियमका आधारमा अफगानिस्तानलाई १८७ रनको विजय लक्ष्य दिइएको हो ।

 

श्रीलंकाकाले सुरुआत राम्रो गरेको थियो । कप्तान दिमुथ करुणारत्ने र कुशल परेराले पहिलो विकेटका लागि ९२ रनको साझेदारी गरेका थिए । करुणारत्ने ३० रनको व्यक्तिगत स्कोरमा आउट भएपछि आएका लहिरु थिरिमान्नेसँग मिलेर कुशलले थप ५२ रनको साझेदारी गरे ।

 

२१.२ ओभरमा श्रीलंकाको स्कोर १४४ थियो । थिरिमान्ने २५ रनमा आउट भएपछि उसको विकेटपतन सुरु भयो । कुशलले १ बलमा ८ चौकाको सहयोगमा ७ रन बनाउँदा अन्य सबै खेलाडी सस्तैमा आउट भए ।

श्रीलंकाबिरुद्ध मोहम्मद नावीले ४ विकेट झारेका थिए । उनले ९ ओभरमा ३० रन खर्चे । द्वालात जदरान र रासिद खानले दुर्द दुई विकेट लिँदा हमिद हसनले एक विकेट लिए ।